Skip to Content

Fróðleg og skemmtileg bók frá Sögufélagi

Sögufélag hefur gefið út bókina Winston S. Churchill. Ævisaga eftir Jón Þ. Þór.

Winston Churchill var einn stórbrotnasti og litríkasti stjórnmálamaður 20. aldar. Hann lifði langa ævi og kom með einum eða öðrum hætti að helstu atburðum veraldarsögunnar um sína daga. Þekktastur er hann þó sem forsætisráðherra Bretlands og einn fremsti leiðtogi Bandamanna á árum seinni heimsstyrjaldar. Churchill var einnig í hópi þekktustu rithöfunda í enskumælandi löndum, afkastamikill höfundur sagnfræðirita sem enn hafa mikið gildi. Árið 1953 hann Nóbelsverðlaunin í bókmenntum.

Jón Þ. Þór (f. 1944) er í hópi þekktustu og afkastamestu sagnfræðinga á Íslandi og prófessor við Háskólann á Akureyri. hann hefur lengi haft mikinn áhuga á Churchill og í þessari bók segir hann sögu hans í stuttu máli á lifandi og skemmtilegan hátt. Ævisaga Winstons Churchills á erindi við alla sem hafa áhuga á sögu og samtíð, og sýnir auk þess sérstaklega vel hve miklu máli hæfir leiðtogar skipta á örlagastundum.
 
 
 

 

Winston Churchill var einn stórbrotnasti og litríkasti stjórnmálamaður 20. aldar. Hann lifði langa ævi og kom með einum eða öðrum hætti að helstu atburðum veraldarsögunnar um sína daga. Þekktastur er hann þó sem forsætisráðherra Bretlands og einn fremsti leiðtogi Bandamanna á árum seinni heimsstyrjaldar. Churchill var einnig í hópi þekktustu rithöfunda í enskumælandi löndum, afkastamikill höfundur sagnfræðirita sem enn hafa mikið gildi. Árið 1953 hann Nóbelsverðlaunin í bókmenntum.

Jón Þ. Þór (f. 1944) er í hópi þekktustu og afkastamestu sagnfræðinga á Íslandi og prófessor við Háskólann á Akureyri. hann hefur lengi haft mikinn áhuga á Churchill og í þessari bók segir hann sögu hans í stuttu máli á lifandi og skemmtilegan hátt. Ævisaga Winstons Churchills á erindi við alla sem hafa áhuga á sögu og samtíð, og sýnir auk þess sérstaklega vel hve miklu máli hæfir leiðtogar skipta á örlagastundum.
 
 
Höfundur: Jón Þ. Þór
Út er komið hjá Sögufélagi ritið Ódáinsakur: Helgifesta þjóðardýrlinga eftir Jón Karl Helgason. Höfundur fjallar þar með fjölbreytilegum hætti um eðli og hlutverk þjóðardýrlinga og kortleggur þær aðferðir sem notaðar eru til að rækta minningu þeirra á opinberum vettvangi. Höfuðáhersla er lögð á skáld og listamenn en stjórnmálamenn og trúarhetjur koma einnig við sögu.
 
Í bókinni er meðal annars rýnt í íkonamynd Jóhannesar S. Kjarvals á forsíðu tekjublaðs Frjálsrar verslunar og rifjað upp þegar meintar jarðneskar leifar Jóns biskups Arasonar voru grafnar upp á Hólum og teknar til varðveislu í Kristskirkju í Reykjavík. Þá ber arfleifð Jónasar Hallgrímssonar töluvert á góma; bent er á að valið á honum  þjóðskáldi Íslendinga var engan veginn sjálfgefið á 19. öld og eins varpað ljósi á nýlegar deilur um valið á honum og lóu sem myndefni á tíu þúsund króna seðli. Einn kafli verksins er helgaður uppröðun á myndastyttum í Reykjavík og þeirri breytingu sem varð á henni á fjórða og fimmta áratug liðinnar aldar. Þá er fjallað um tvö ólík verk sem byggja á ævi Halldórs Laxness, annars vegar fyrsta bindi ævisögu hans eftir Hannes Hólmstein Gissurarson og hins vegar leikritið Halldór í Hollywood eftir Ólaf Hauk Símonarson, en eðlilegt er að líta á þau bæði sem endurritun ýmissa eldri verka. Íslensku þjóðardýrlingarnir eru auk þess settir í samband við menningarlega þjóðardýrlinga annarra Evrópuþjóða, ekki síst slóvenska þjóðskáldið France Prešeren og danska ævintýraskálDið H.C. Andersen. 
 
Jón Karl Helgason er prófessor við Íslensku- og menningardeild Háskóla Íslands. Meðal fyrri verka hans eru Hetjan og höfundurinn, Höfundar Njálu, Ferðalok og Mynd af Ragnari í Smára. Hann bætir hér nýrri vídd við fyrri skrif sín um helga dóma íslenska þjóðaríkisins.
Höfundur: Jón Karl Helgason

„Deilugjarnir og illviljaðir, hefnigjarnir, fláráðir og þrællyndir, óhófsamir, lostafullir og saurlífir, svikulir og þjófóttir. Hvaða ódyggða er ekki að vænta hjá fólki sem dvelst á eyðilegu landi og stundar sjó í ótakmörkuðu sjálfræði, án aðhalds samviskunnar, eftirliti og utanaðkomandi aga?“

Þannig lýsti Johann Anderson, borgarstjóri í Hamborg, Íslendingum í umdeildu riti sínu um land og þjóð sem gefið var út ytra 1746. Verkið birtist nú í fyrsta sinn á íslensku, auk andmæla Jóns Þorkelssonar, rektors Skálholtsskóla. Í bókinni eru jafnframt endurprentaðar alræmdar Íslandslýsingar þeirra Göries Peerse og Dithmars Blefkens frá 16. öld. Öll þessi skrif eiga erindi um okkar daga þegar ímynd Íslands á alþjóðavettvangi er í brennidepli.

Már Jónsson og Gunnar Þór Bjarnason sáu um útgáfuna, þýddu og rituðu inngang.

Höfundur: Johann Anderson


Drupal vefsíða: Emstrur