Skip to Content

Sagan af klaustrinu á Skriðu tilnefnd til viðurkenningar Hagþenkis, Íslensku bókmenntaverðlaunanna og Fjöruverðlaunanna.

Steinunn Kristjánsdóttir hefur verið tilnefnd til verðlauna Hagþenkis 2012 fyrir Söguna af klaustrinu á Skriðu. 

Hagþenkir – félag höfunda fræðirita og kennslugagna hefur frá árinu 1986 veitt viðurkenningu fyrir fræðirit, námsgögn eða aðra miðlun fræðilegs efnis til almennings. Höfundar tíu framúrskarandi rita eru tilnefnd árlega til Viðurkenningar Hagþenkis og fá höfundarnir skjal með ályktunarorðum. 

• Steinunn Kristjánsdóttir Sagan af klaustrinu á Skriðu. Sögufélag.
Í verkinu er rakin aðdragandi og framvinda merkilegs forleifauppgraftar og fléttað inn sögulegum fróðleik og tilraunum til túlkunar svo úr verður spennandi saga studd góðum ljósmyndum.

 

Bókin er einnig tilnefnd til Fjöruverðlaunanna - bókmenntaverðlauna kvenna. Í rökstuðningi dómnefndarinnar segir:

Steinunn Kristjánsdóttir. Sagan af Klaustrinu á Skriðu.
Í bókinni er sagt uppgreftri klaustursins á Skriðu í Fljótsdal. Steinunn tekur lesandann með sér í ferðalag í gegnum rannsóknirnar og spinnur úr því spennandi sögu með óvæntum uppgötvunum  þar sem einstakir þættir rannsóknarinnar raðast smám saman í heildstæða mynd.  Steinunn varpar ljósi á líf þeirra sem lifðu og dóu í klaustrinu, hún veltir fyrir sér hlutskipti þeirra og þjáningum af næmni og á persónulegan hátt sem þó verður aldrei of rúmfrekur í frásögninni. Bókin er skrifuð fyrir almenning og Steinunn leggur sig fram um að útskýra hugtök og aðferðir og þær takmarkanir sem túlkun fornleifarannsókna eru settar. Bókin virkjar ímyndunarafl lesandans og er prýtt fjölda ljósmynda, korta og skýringarmynda. Uppgröfturinn á Skriðu dýpkaði skilning á hlutverki hins íslenska miðaldaklausturs og fræðilegt framlag rannsóknarinnar því mikið. Bókin hefur þó einnig mikið gildi sem aðgengilegt og læsilegt rit um starf fornleifafræðinga og spennandi rannsókn.
 

Ingibjörg. Saga Ingibjargar Einarsdóttur, eiginkonu Jóns Sigurðssonar forseta

Ævisaga Ingibjargar Einarsdóttur, eiginkonu Jóns Sigurðssonar forseta. Hver var hún, konan sem beið tólf ár í festum? Hvernig heimili hélt hún í Kaupmannahöfn? Bók sem varpar nýju ljósi á hversdagslíf Ingibjargar og Jóns – og bregður upp skýrri mynd af merkilegri konu sem löngum hefur staðið í skugga eiginmanns síns.

 

 



 

Höfundur: Margrét Gunnarsdóttir
Ekkert nýtt, nema veröldin. Bréfaskipti Gríms Thomsen og Brynjólfs Péturssonar

Skáldið Grímur Thomsen var á stöðugum ferðalögum á fimmta áratug nítjándu aldar. Hann bjó um skeið í París, London og Brussel, heimsótti söguslóðir Napóleonsstríðanna, fylgdist grannt með leikhúslífi og bókmenntum, sótti veislur með helstu fyrirmennum samtímans og tók virkan þátt í dönskum stjórnmálum með greinaskrifum sínum. Hér birtast bréfaskipti hans og Fjölnismannsins Brynjólfs Péturssonar, en í þeim má finna ferðalýsingar, bókmenntarýni, leikhúsdóma, lifandi umræðu um þjóðmál og hressandi slúður um samlanda þeirra í Kaupmannahöfn.

 



 

Höfundur: Aðalgeir Kristjánsson og Hjalti Snær Ægisson tóku saman
Ísland á 20. öld

Ísland á 20. öld er fyrsta yfirlitsritið í samfelldu máli um Íslandssögu nýliðinnar aldar. Í bókinni er rakin saga þjóðar og samfélags og sú gjörbreyting sem varð á öllum högum Íslendinga.

Höfundur greinir á frumlegan og fjörlegan hátt frá merkisatburðum, sögu stjórnkerfis og stjórnmála, stefnum, flokkum og foringjum og viðfangsefnum þeirra á hverjum tíma. Hann rekur einnig sögu efnahagslífs og atvinnuvega, einkum landbúnaðar og sjávarútvegs.

Í bókinni er fjallað um lífskjör og lifnaðarhætti, samskipti kynja, stéttir og stöðuhópa, æsku og elli, fjölskyldu, heimili og vinnustaði, menntun, menningu og listir, félagsfhreyfingar og hugmyndastrauma.

Athygli er jafnan beint að tengslum Íslands við umheiminn: viðskiptum, ferðum og fóklsflutningum, erlendum áhrifavöldum og fyrirmyndum, afleiðingum heimsstyrjalda, kreppunnar, kalda stríðsins, Evrópusamruna og hnattvæðingar.

Í bókinni eru hundruð ljósmynda sem styðja frásögn bókarinnar, margar óbirtar áður og segja oft meiri sögu en mörg orð. Fróðleiksatriði koma fram í skrám og yfirlitum og talnaefni í myndritum.

Höfundur: Helgi Skúli Kjartansson


Theme by Dr. Radut.

Drupal vefsíða: Emstrur