Sögufélag 1902-2002

• Útkomin hefti
• Til höfunda

Efnisskrá tímarita Sögu 1949-1999
(237 kb)
 

Saga - Tímarit Sögufélags

Tímaritið Saga hefur fyrir löngu áunnið sér sess sem fremsta fagtímarit íslenskra sagnfræðinga. Það kemur út tvisvar á ári og í því birtast ritrýndar fræðigreinar á hinum ýmsu sviðum sagnfræði og sögulegra fræða.

Ritstjóri Sögu er dr. Sigrún Pálsdóttir (sigrunpa@simnet.is).

Henni til fulltyngis starfar fagleg ritnefnd.

Tímaritið Saga hóf göngu sína árið 1950. Fyrstu árin kom það út í örkum og var nokkrum árlegum arkarútgáfum síðan slegið saman í eitt bindi. Þetta veldur því að merktir árgangar útgáfunnar eru mun færri en útgáfuárin segja til um. Frá áttunda áratug síðustu aldar hefur Saga komið út reglulega, eitt myndarlegt hefti á ári hverju. Árið 2002 hóf Saga að koma út í tveimur heftum árlega, að vori og hausti.

Ný saga. Á árunum 1987-2001 gaf Sögufélag út tímaritið Nýja sögu. Tímaritið hóf á sínum tíma göngu sína að frumkvæði ungra sagnfræðinga í Sögufélagi. Markmið útgáfunnar var að ná til víðari hóps lesenda en tekist hafði með Sögu; að því átti m.a. að stuðla nýstárleg hönnun og birting mynda. Ný saga kom út til ársins 2001, alls 13 árgangar sem flestallir eru enn fáanlegir. Þegar Saga fór að koma út tvisvar á ári var útgáfu Nýrrar sögu hætt. Um efni Nýrrar Sögu sjá hér .